jbl.no

Måndag morgon fekk politiet melding om grovt tjuveri frå ei anleggsbrakke på Hognestad.

– Eit vindauge var brekt opp og ein del verktøy vart teke, men me har enno ikkje oversikt over kva type og kor mykje, seier politibetjent Nils Audun Tvedt ved Hå lensmannskontor.

Innbrotet vart meldt i dag tidleg, men politiet veit ikkje når innbrotet kan ha skjedd.

– Mest sannsynleg har det skjedd i natt, men det vart ikkje oppdaga før måndag morgon. Det har ikkje vore folk på jobb der sidan laurdag ettermiddag, så det kan ha skjedd laurdag kveld eller i løpet av sundagen, avsluttar Tvedt.

Saka vert vidare etterforska av politiet.