jbl.no

Hendinga skjedde på Fylkesveg 44 i nordgåande køyrefelt klokka 17.50. Politi og brannvesen rykte ut. Det var noko bilkø på staden, som vart dirigert vekk av brannvesenet.

- Ingen av oss vart skada, berre bilen. Me køyrde og ana fred og ingen fare, og plutseleg kom det røyk ut av motorrommet. Me høyrde lyder og plutseleg kom det flammar også. Me stoppa og kom oss heilskinna ut, seier føraren i bilen, ei kvinne på 21 år.

Ho hadde med seg ei veninne på 20 år i bilen. Dei skildrar situasjonen som udramatisk. Bilen vert no taua vekk. Den har store skadar, ifølgje Rogaland politidistrikt.