jbl.no

Politiet leitte tysdag kveld etter narkotika heime hjå ein 17-åring på Bryne og ein 19-åring i Klepp.

Ingen av stadene blei det funne stoff, men begge innrømde bruk av marihuana.

Den 17 år gamle guten på Bryne innrømde bruk av marihuana og å ha kjøpt ein til fem gram av stoffet, opplyser lensmann Arild Oftedal i Time.

Ransakinga blei gjennomført ved 21-tida. 17-åringen har ikkje vore innblanda i narkotikasaker i Time tidlegare.

Tidlegare sane kvelden leitte politiet etter narkotika heime hjå ei 19 år gammal jente i Kleppe. Heller ikkje her blei det gjort funn.

– Men jenta innrømde kjøp og bruk av marihuana, cirka fire gonger, dei to siste åra. Den siste gongen var i juni då ho kjøpte ein til fem gram marihuana, opplyser lensmannen i Time.

19-åringen er ikkje tidlegare kjent av politiet. Ransakinga blei gjennomført like før klokka 19.00.