Du må være innlogget for å få tilgang til alle nyheter! Logg inn eller opprett brukerkonto.

Stem på di favorittvise om Jæren

Det finst utruleg mange herlege songar om Jæren. Me har plukka ut nokre klassikarar. Nå kan du stemma fram den beste.

Stem på di favorittvise om Jæren

 

Tekst:

Publisert:

Oppdatert: 19.04.2016 kl 11:00

Kortspel - Vind i Gardhol



Det finst knapt ein song som skapar betre stemning enn den lokale superhiten til Vind i Gardhol.
«Kortspel» er ein ekte bygdeklassikar som fungerer like godt som pensum på barneskulen, som i seine gitarnachspiel. Melodien er henta frå songen «Fly away home» av det amerikanske hippiecountrybandet Ozark Montain Daredevils, og som Leif Obrestad laga ein ny tekst til.
Då Vind i Gardhol spelte på den lokale rockefestivalen Ranglerock i 2011, var det nærmast beatlemaniastemning i lokalet. Aldri har det vore høgare allsong i Bryne Mølle enn då «Kortspel» vart framført.

Utdrag frå songen:
Då dagen sled va øve, å kjydene va molkte
Og bonden hadde sådd og skvetta lort
Då møttes bygdas kortfantom, rundt bordet i eit eige rom
Mæ ei bodda gamle kråkekort

Massey Ferguson -Tommy & Tigeren



Laurdagskveld på Bryne med traktor og damer, det er tematikken i denne lokale slagaren frå Tommy & Tigeren. På mang ein fest rundt om på Jæren har det blitt skråla til desse tonanane.

TV 2 laga ein video til denne songen i forbindelse med cup-finalen mellom Bryne og Viking i 2001. Dei gamle Bryne-heltane Geir Atle Undheim og Dejan Pavlovic speler sentrale roller i videoen. Undheim som lokal odelsgutt med traktor og enormt dametekke, mens Pavlovic hadde rolla som mystisk framand på Harley Davidson. Bør sjekkast opp på Youtube.

Utdrag frå songen:
Det e lørdag på Bryne og odelsgutten trenge ei dama.
Han skrur traktoren på Bryne, for masseyen den må han ha med.
For du får deg' sje dama på Jæren viss du isje har traktor.
For damene på Bryne, de vett, ja de vett akkurat ke de vil ha.
Ohh, Massey Ferguson!

Fotlandsfossen - Rita Fotland



Det finst ikkje mange fossar på flate Jæren, så Fotlandsfossen er verkeleg ei uventa naturperle midt i eit vegkryss. Her hoppar laksen i trappene i takt med fossebruset ved den gamle mølla frå 1845. Fotlandfossen har også ein eigen song som er med i utallige allsangshefte rundt forbi. Songen, som skildrar livet ved fossen, er alltid opningsnummeret når Rita Fotland reiser rundt med trekkspelet sitt. Ho fekk songen i gåve av Kjell Hadland, søskenbarnet til faren hennar, for 26 år sidan og gjer framleis stor suksess med valsen til fossens ville song.

Utdrag frå songen:
Ved fossen står en mølle, men den er stille nå.
Den tiden er forsvunnet, det er jo bare så.
Men møllens mange minner, de dukker ofte frem,
de skal vi aldri glemme, de tar vi med oss hjem.

Skjævelandsbrunå - Silo & Saft



Ei bru kan vera så mykje meir enn ei bru. I tilfellet Skjævelandsbrunå så er det enkelt og greit skillet mellom rett og galt. Varhaug-bandet Silo & Saft har ei rekkje songar som hyllar kvardagslivet på Jæren, og som ditto er kritisk til det som rører nord for Øksnavad. Skjævelandsbrunå er nok den mest kjende av desse. Her er det gode moglegheiter for patriotisk allsonghyl på refrenget.

Utdrag frå songen:
Skjæææææ... Skjævelandsbrunå
Dæ æ et skille mødlå rett og galt
Ææææææg æ sikker i trunå
På at æg bur på den retta siå av brunå

Heim te' Jæren - Svein Inge Årrestad

Høyr songen her

Den romantiske og lovprisande teksten som blei skriven til Nærbørevyen i 1989, har blitt ein slags nasjonalsong på Jæren. Etter initiativ frå Jæren i bilder blei songen nyleg spelt inn med musikkvideo. Tekstforfattar Svein Inge Årrestad reiser framleis rundt for å opptre på ulike tilstellingar, og då er Heim te Jæren alltid på repertoaret.

Utdrag frå songen:
Eg vil heim og sjå en solnedgang på Jæren
nermed havet, der som bølgjer slår mot strand.
For bak havets kant, langt ut i atmosfæren
vil hu farga himlen raud med eld og brann.

Bonde - Tønes



Jau, det er heilt rett at dette er ein song som er skreven av ein kar frå Haua. Me kjem likevel ikkje utanom «Bonde» i denne samanhengen. Songen har blitt ein obligatorisk vorspiel-hit, og me kan trygt seia at teksten er ei flott hyllest til det eldste yrket på Jæren.

Utdrag frå songen:
Eg er bonde, eg kjøre traktor
Eg har en caps der stende John Deere på
Den har eg på meg inne og ude
Den skal eg ha på meg heil til eg stube

CIA på Jæren - Ole Pause

Kjem med på lista då det er ein av få songar som omhandlar Jæren, og som er skriven av ein teksforfattar utan lokal tilhøyring.
Ei artig låt frå 1978, men som dog ikkje er av dei mest kjente til visekunstnaren Ole Paus. Stas er det likevel.

Utdrag frå songen:
Jeg har lest det i avisen, så da er det vel sant
USA har planlagt gerilja her i Rogaland
Nyheten kom som et sjokk da den kom
For dette var noe som ingen ansvarlige visste noe om

Sykkeltur - Jærrock

Er du ein av dei som trivst best på sydenferie? Eller eig du bustad i Spania? Ja, då får du passet påskrive her. Den flottaste naturen finn me på Jæren, og den treng du ikkje reisa langt for å sjå. Jærrock med Asgaut Steinnes i spissen, oppfordrar folk til å ta fram sykkelen og nyta synet av flotte Jæren.

Låta finn du på plata «Spor» som gruppa gav ut i 1999.

Utdrag frå songen:
Du må aldri gløyma Jæren
Dæ æ her du høyre te
Du må ta deg en sykkeltur
Og sjå alt dæ fina med he.

Putlå - Vind i Gardhol



Teksten er av ukjent opphavsmann og vart truleg skreven i 1892. Vind i Gardhol sette melodi til teksten, og songen er blitt ei av dei mest kjende hymnene til Jæren. Nokre av versa er utdaterte i dag, men teksten er likevel eit flott dokument over jærsk tradisjon og kultur.

Utdrag frå songen:
Her på Jæren med putla og græve
Ja, me putla og græve okke fram
Men alt dæ me putla og græve
Så kjæme me ikkje lenger fram.

Gallup

Kva er di jærske favorittvise?

Kortspel - Vind i Gardhol
Massey Ferguson -Tommy & Tigeren
Fotlandsfossen - Rita Fotland
Skjævelandsbrunå - Silo & Saft
Heim te' Jæren - Svein Inge Årrestad
Bonde - Tønes
CIA på Jæren - Ole Paus
Putlå - Vind i Gardhol
Sykkeltur - Jærrock

Vis resultat

Nyheter fra andre aviser

Strandbuen

Solabladet

Sandnesposten

Bygdebladet

Gjesdalbuen

Dalane Tidende

Do NOT follow this link or you will be banned from the site!