Du må være innlogget for å få tilgang til alle nyheter! Logg inn eller opprett brukerkonto.

Kvar dag brukar han over ein time på å vaska lastebilen

Hugsar du Ingar Kvia som kvar dag brukar ein time og seks minutt på å vaska lastebilen sin? Sjå videoen på ny her!

Tekst:

Publisert:

Oppdatert: 09.01.2017 kl 09:16

Det er nesten som å sjå ein branmann i aksjon. I raud kjeledress, spring Ingar Kvia fram og tilbake med ein slange i hendene og spylar vekk skitt og støv frå den raude lastebilen sin. Han har eit fast ritual. Etter å ha spylt dei utvendige flatene på bilen, hoppar han inn i førarhuset og skrur på motoren. Han står i stigtrinnet medan har ryggar bilen litt bakover slik at dekket går ein halv runde rundt.

- Dette gjer eg for at det ikkje skal verta heilagdagar under navet og boltane, forklarar han i ein rasande fart før han spring inn igjen.

8 timar i veka

Sjølv om han er rask i vendingane finst det ikkje teikn til slurv. Sidan det er helgevask i dag, er han nemleg ekstra nøyaktig. Han tippar opp lasteplana og reingjer rama, girkassen, akslar og fjører. Etterpå kryp han oppå hytta med svamp for å gjera den ekstra blank. Han ristar og skrubbar mattene og tørkar støv inne i førarhuset. Ingar Kvia er fødd i farta. Han snakkar fort og jobbar om mogleg, ennå fortare. Etter to timar og 45 minutt er han ferdig.

- Eg brukar nok i gjennomsnitt åtte timar i veka på å stella bilen. Alt er gratisarbeid for om eg skulle ha skrive timar, hadde bilen blitt så dyr at ingen hadde tent pengar. Eg har halde på slik heile livet, så dei er kanskje litt heldige dei som har meg i arbeid, sjølv om eg også kan vera litt krevjande, seier Kvia.

Se bildet større

JULEVASKEN: Det flottaste bildet han ser er ein rein bil med rein reklame, og for å vedlikehalda lastebilen best mogleg, vaskar Ingar Kvia den kvar dag.

Kjenner ingen like ekstreme

Dei siste tre åra har han jobba for Erik Håland Maskin AS. Her er han svært nøgd med vaskeforholda og har både lysmaster og god plass slik at han kan halda på til alle tider på døgnet.

- Det mange her som er gode til å vaska, men ingen er så ekstreme som meg. Eg klarar ikkje slappa av om ikkje bilen er rein. Om eg møtar folk på ein tørr riksveg med skitten bil gjer det vondt. Det nyttar ikkje å dusja om ikkje bilen er rein, seier lastebilsjåføren.

Det skal vera ganske ekstraordinære forhold om Ingar Kvia hoppar over bilvasken ein dag.

- Om sommaren kan vera dagar eg ikkje treng vaska. Men me har eigentleg fiendar same om det er vinter eller sommar. Om det er kuling og regn kan det også henda at eg ikkje vaskar, men då ligg eg på letten. Om det er sjanse for tørr veg, er eg nemleg oppe og vaskar bilen klokka 06.10, fortel han.

- Oi, oi, oi

Kvia legg ikkje skjul på at også han kan verta lei dei dagane den nyvaska bilen er skitten etter berre nokre timar på vegen.

- Men når eg har interesse i det, går det eigentleg veldig godt. Om eg ser bilar, som eg veit har tilgang til vaskehall, stå skitne om helga tenkjer eg oi, oi, oi. Eg forstår ikkje at det går an. Men kanskje det hadde vore godt å vera så avslappa at eg av og til kunne reisa heim utan å vaska bilen.

Hjelpearbeid er viktigast

Store bilar, traktorar og gravemaskinar har alltid vore lidenskapen til Ingar Kvia. Då han var liten minnast han ei tid han sprang i full fart heim for å gjera dei leksene han måtte gjera for å få lov til å gå til naboen og køyra traktor.

- Då dei dyrka jorda på 70-talet kunne eg stå ei heil natt og berre kikka på gravemaskinane frå Brøyt. Eg har vore interessert i alt som sviv heile livet, seier han.

Det var også interessen for lastebilar som førte til Ingar Kvia sitt enorme engasjement for Haydom Lutheran Hospital i Tanzania.

- Kona ville reisa til Afrika i i 1997, men eg vart ikkje interessert i å vera med før eg fann ut at dei sleit med gamle traktorar og lastebilar som ikkje fungerte, seier Kvia.

Gjennom ei rekke auksjonar og innsamlingsprosjekt har han nå levert ni traktorar, to nye Scania-lastebilar, ein ny gravemaskin, ein toyota Pic Up, ein Mercedes Unimog samt mange tilhengarar og reidskap til området som ligg 300 km vest for storbyen Arusha i Tanzania. Han har også levert maskinar og utstyr til sjukehuset.

Totalt har han samla inn bortimot 14 millionar kroner, og sist auksjon på Eik-senteret i Klepp i november gav ny innsamlingsrekord med 830.000 kroner.

- Sjølv om eg elskar bilar, vil eg aldri finna den bilen som gjev meg den same gleden som det å hjelpa folk i Afrika gjev meg. I januar reiser eg til Tanzania for 25 gong, seier han.

Nyheter fra andre aviser

Strandbuen

Solabladet

Sandnesposten

Bygdebladet

Gjesdalbuen

Dalane Tidende

Do NOT follow this link or you will be banned from the site!